ឆេះខារ៉ាអូខេ«កូប្រាហ្គោល អស់២បន្ទប់ កម្លាំងនគរបាលសន្លប់៣នាក់ ពេលជួយអន្តរាគមន៍
21-April-2018 | ដោយ ពលមនសិការ
ភ្នំពេញ ៖ អគ្គិភ័យបានឆេះបន្ទប់លេខ១៤និង១៨ជាន់ទី២របស់ខារ៉ាអូខេ យីហោកូប្រាហ្គោល នៅថ្ងៃទី២០ ខែមេសា ឆ្នាំ២០១៨ វេលាម៉ោង២៣និង៥០នាទី នៅចំណុចអគារលេខ១៥អា ផ្លូវលេខ២៥៤ ភូមិ៤ សង្កាត់ចតុមុខ ខណ្ឌដូនពេញ រាជធានីភ្នំពេញ។
សមត្ថកិច្ចបានឱ្យដឹងថាបន្ទប់ដែលត្រូវភ្លើងឆេះមានៈ បន្ទប់លេខ១៤ ទំហំ ៤ម៉ែត្រគុណ៧ម៉ែត្រនិងបន្ទប់លេខ១៨ ទំហំ ៧ម៉ែត្រគុណ៧ម៉ែត្រ។ ហើយម្ចាស់ទីតាំងឈ្មោះ ហ៊ុន គឹមជាតិ ភេទប្រុស អាយុ៣៩ឆ្នាំ ជនជាតិខ្មែរ។ សម្ភារៈខូចខាត៖ ឆេះក្នុងបន្ទប់លេខ១៤ និងលេខ១៨ ទាំងស្រុង។
ក្នុងប្រតិបត្តិការខាងលើកម្លាំងនគរបាលប្រើប្រាស់រថយន្តពន្លត់អគ្គិភ័យអស់ចំនួន ១២គ្រឿង, បាញ់អស់ចំនួន ៤៨គ្រឿង ស្មើរនិង១៨២ម៉ែត្រគូប។ ក្នុងកិច្ចការជួយសង្គ្រោះខាងលើបណ្តាលឱ្យកម្លាំង ការិយាល័យជំនាញបង្ការ និងពន្លត់អគ្គិភ័យ ចំនួន០៣នាក់ សន្លប់បញ្ជូនទៅព្យាបាលនៅមន្ទីរពេទ្យកាល់ម៉ែត្រ។ ប្រភពដដែលបន្តថាមូលហេតុ បណ្តាលមកពីឆេះ កង្ហាបឺតខ្យល់ ក្នុងបន្ទប់លេខ១៨ ឆ្លងចរន្តអគ្គីសនី មិនបណ្តាលអោយឆេះរាលដាលដល់ផ្ទះអ្នកជិត ខាងទេ៕
ចំនួនអ្នកទស្សនា
- ថ្ងៃនេះ1501
- ម្សិលមិញ10851
- សប្តាហ៍នេះ68021
- ខែនេះ183171
- ឆ្នាំនេះ183171
- សរុប20625627